ಸ್ನೇಹದ ಮೌಲ್ಯ

 ಓಗೆಳೆಯ ಅಗಲಿ ಹೋಗುವುದು ಅನಿವಾರ್ಯ
ಮರೆಯಬೇಡ ಸ್ನೇಹದಿ ಗೈದ ಕಾರ್ಯ
ಉದ್ಯೊಗಪರ್ವದಿ ಮೆರೆಯಲಿ ನಿನ್ನ ಶೌರ್ಯ
ಎಲ್ಲ ಪಡೆಯಲಿ - ಅರಿಯಲಿ ನಿನ್ನ ಮೌಲ್ಯ .

ಪ್ರೀತಿ ತುಂಬಿದ ಮನದಲಿ ಹರಸುವೆನು
ಯಶಸ್ಸು ನಿನ್ನದಾಗಲಿ ಎಂದು ಬೇಡುವೆನು
ಅಗಲಿಕೆ  ತರುತಿಹುದು  ಕಣ್ಣೀರ ಹನಿಯನು
ನಿನ್ನ ಉತ್ತಮ ಭವಿಷ್ಯಕ್ಕಾಗಿ ಸಹಿಸಿಹೆನು

ಸುಖ- ದುಃ ಖಗಳೆರಡು  ಬದುಕ ಹಾದಿಯಲಿ
ಗೆದ್ದು ಬಾ ಬದುಕೆಂಬ ಯುದ್ದದಲಿ
ಏರಲಿ ಕೀರ್ತಿ ಪತಾಕೆ ಹಾರಲಿ
ಕಾಯುತಿರುವೆನು ಎಂದೆಂದೂ ನೀಬರುವ ಹಾದಿಯಲಿ